COM Surrogate has Stopped Working

 مقدمه

السلام عليكم مبطي مانزلت موضوع بس اعذروني مشغلتنا هالدنيا الله يعينا عليها بخير 🙂 المهم انا كاتب عن هالمشكله بالذات لان فيه كثير يشتكي ويسب ويلعن في الفيستا قايم قاعد ولا يدري وش اللي صاير بالضبط ؟؟ هل المشكله من مايكروسوفت ولا المشكله بشي ثاني طبعا انا ما انزهه مايكروسوفت عن الخطاء فيها حقها بعض الساعات بس ماهو من العقل والمنطق ان كل مافقع شي بجهازك ذبيتها على مايكروسوفت وهي السالفه كلها بسبب برنامج او شي انت مسويه بجهازك وحايس لك الدنيا الكثير من المستخدمين العاديين يركبون برنامج بعض الساعات الله يهديهم بدون مايدري هل هالبرنامج متوافق مع نظامه ؟؟ ولا لا ؟؟ يعني بصراحه بعضهم مايصدق بس يلقى اللنك الا ويصقعه داون لود وركب ولا خرب جهازه الله يلعن هالويندوز هبل بي 🙂 .

 سبب حدوث الخطاءCOM Surrogate has Stopped Working

بالويندوز فيستا لما تجي تدخل مجلد فيه افلام تلاحظ ان ايقونه ملف الفيديو هي مشهد من الفلم نفسه وتسمى بالانقليزي  Thumbnails
زي كذا يعني 🙂


طبعا عشان انت تشوفها بهالشكل يقوم اكسبلورر النظام باستدعاء ملف الكودك اللازم عشان يقدر يتعرف ويقرى ملف هالفيديو طبعا ملف الكودك هذا في الغالب هو عباره عن ملف dll  وملف dll بحكم انه ملف غير تنفيذي ومن نوع COM DLL  فا يتم تشغيله عن طريق dllhost.exe  ويسمى COM Surrogate فا لما يكون ملف الكودك هذا غير متوافق مع الويندوز فيستا او فيه مشكله برمجيه يتسبب بتوقف عمل dllhost.exe فا تظهر لك الرساله بانه توقف عن الاستجابه وللايضاح هاذي صوره لرساله الخطاء


طبعا كلامي السابق هذا في حاله ان هالمشكله من ملف كودك لكن بشكل عام اي ملف COM DLL  يستخدم dllhost.exe وفيه مشكله راح يتسبب بحدوث هالمشكله بس في الغالب يعني اقدر اقول انه 99 بالميه من اسباب حدوث هالمشكله هو بسبب استخدام فيديو كودك
.غير متوافق مع النظام او فيه مشكله برمجيه يعني bug
كودكس معروفه بانها تتسبب بحدوث هالمشكله
1- Divx Codec
2- XviD Codec
3- Nero >> neroburnplugin.dll
4- ffdshow 
 
طيب والحل ؟؟

الحل بسيط انت كا مستخدم قدامك حلين واحد منهم بيقلل من حدوث المشكله وواحد بيحلها لك تماما ان شاءلله

 الحل الاول وهو انك تعطل خاصيه الـ Thumbnails في الويندوز فيستا وتخليه يستخدم ايقونات النظام العاديه بس هذا بيقلل من حدوث هالمشكله لانه لا جيت تشغل الويندوز ميديا بلاير ممكن يتسبب لك بظهور رساله الخطاء

 
الحل الثاني وهو انك تروح لاضافه وازاله برامج وتحذف البرنامج او الكودك تماما من جهازك وتعيد التشغيل وتبحث عن نسخه محدثه
من البرنامج او الكودك وتركبها بجهازك او تبحث عن  برنامج بديل يشغل لك ملفات الفيديو الخاصه فيك وبس