هل بدأت مايكروسوفت حملتها الأعلانية لنظام الفيستا بالكذب على المستخدمين؟

كأن مايكروسوفت تلف وتدور ولا تبي تواجه عملائها اللي يجربون النظام ويعرفون مشاكلهم ويحلونها

فقط تبي الناس تنكذب او تقتنع فيه كنظام رائع

وانا اتعذب فيه كل يوم في بيتي باللاب توب بينما في العمل أكس بي مافي احلى منه مع اني اشتغل في العمل اكثر من البيت وماشي معي الأكس بي من احلى ما يكون

اما الفيستا صراحه هل مره فقط شكليات ولا مو عملي بكل صدق , ومو لأنه نظام جديد والناس ما تبي تغير لا والله كثيرين لهم الأن سنه يستخدمونه ولا عجبهم من سلبياته المعقده

لكن ياليتهم حاطين فلوس التسويق بتطوير النظام أبديت كامل يخفف ويسرع ولا تطلع مشاكل

أطيب تحياتي وشكراً لك سعود

مرحبا اخوي عبدالإله

كلامك صحيح في ناس تمدح وفي ناس تذم وانا كنت من الناس اللي تمدح لكني ما قعد معي كم شهر وانا امدح فيه لأني لم أكن استخدمه بشكل عادي , بعد استخدامه بشكل مكثف لأعمل فيه اصبح غير مرن , جهازي جديد توني شاريه وأعلى المواصفات ومع ذالك اتردد افتح برامج لأنه بيطلع لي ارورز او بطيء وكل مره افتح واقفل الجهاز انواع المسج

وعلى فكره انا محدث آخر تحديث من تحديثات ويندوز

يتميز اكس بي بالسهولة في إستخدامه وغير ثقيل على الجهاز ولا يطلع لك مسجات كثيره تزعجك

انا اتمنى انه فيستا يطلع له تحديثات تنحل مشاكله وما يصير ثقيل على فاضي ؟

انا مو ضد فيستا انا ضد صدوره على هذا الحال اللي يسبب إزعاجات ومشاكل للمستخدمين

يعطيك العافيه اخوي معاذ رغم ان الموضوع قديم لكنك افدتنا كثيراً وأزلت الشكوك بحكم ان مواصفات جهازك كبيره ما شاء الله والفيستا طويل العمر مو راضي يقتنع , بارك الله فيك

بس منتظرين 7 صراحه يقولون انه راح يكسر الدنيا بحكم التجربه اللي تم فيها وانه اسرع بكثير من اكس بي ومرن للغايه والله اعلم.

شكراً لك