في زمننا الحالي، يُمكن نقل الملفات بين جهازين بطرق عديدة، سواءً باستخدام جهاز ثالث مثل ذاكرة فلاش أو باستخدام خدمات التخزين السحابية. وقد تكون طريقة النقل من أسهل ما يُمكن، حيث في بعض البرامج مثل Dropbox تقوم بسحب الملف فقط وتضعه في البرامج و ستجده تلقائياً في أي جهاز يوجد فيه هذا البرنامج، أو مثلاً برنامج iCloud الذي يقوم بعمل مزامنة للملف تلقائياً دون أن تفعل شيئاً! ولكن بالنسبة لـ Ishac Bertran لم يجد أي اتصال ملموس في هذه الطريقة، وأراد أن يجعلها ملموسةً أكثر مثل استخدامه للآيباد وأن يتم نقل الملفات بطريقة حسية بعيداً عن أية برامج أو خدمات تخزين حسابية.
فكرته المبدعة هي أن يتم ملامسة الجهازين بجانب بعضمها البعض وستظهر دائرة (نصفها في الجهاز الأول ونصفها الآخر في الجهاز الثاني) تدل على أنهما متصلان ببعض وجاهزان لنقل الملفات (عن طريق تقنية Near Field Communication اختصارها هو NFC). ويتم نقل الملف بسحبه من الجهاز الأول ووضعه في الجهاز الثاني. ويمكن نقل صفحات مواقع، صور، أو مقاطع صوتية بسهولة تامة و دون الحاجة لوجود برنامج خاص للملفات.
لتوضيح هذه الفكرة أكثر، قام Isaac Bertran بعمل هذا الفيديو بعد الفاصل
بالرغم من انتشار تقنية NFC (التي تسمح بإنشاء اتصال بين جهازين متلامسين لنقل الملفات دون الحاجة إلى شبكة اتصال أو إلى شبكة انترنت) بين الهواتف الذكية في الآونة الأخيرة، إلاّ أني شخصياً لم أرى هاتفاً ذكياً يستطيع نقل/استقبال الملفات إلى/من جهاز آخر مختلف عنه (مثل الفكرة الموضحة في الفيديو). آخر هذه الهواتف الذكية تحتوي على هذه التقنية هي جالكسي اس ٣، ولكن عيبها أن الجهاز الآخر لابد أن يكون جالكسي اس ٣ أيضاً!
شخصياً، أعتقد أن هذه الفكرة ستُطبق وسنستخدمها خلال السنة القادمة كحد أقصى.
ما هو رأيكم بهذه الفكرة و ماهي توقعاتكم لها؟
[المصدر]
دايم اعملها بين جهاز نيكسوس و ون اكس من اتش تي سي..
مع خدمة NFC ممكن وبسهولة
اخوي الياسيين،
كما ذكرت، في عدة هواتف ذكية فيها هذه التقنية، لكن بعضها لابد أن يكون الجهاز الثاني نفس الجهاز الأول، أو على الأقل لابد أن يكون هاتف ذكي. وفي محلات وأماكن مشهورة طبقت هذه التقنية بحيث يقوم المشتري او الزائر بتمرير أو ملامسة هاتفه وحيقوم بالدفع تلقائياً أو معرفة العروض في هذاك المحل..
لكن الفكرة المذكورة أنها تكون بين هاتف ذكي و جهاز كمبيوتر/لاب توب .. شخصيا وخلال بحثي لم اجد هذه الفكرة طُبقت على ارض الواقع، في شركات أو اشاعات طلعت عن اجهزة كمبيوتر فيها هذه التقنية ويمكن استخدامها مع الهاتف الذكي.. لكن ما لقيت شي رسمي حتى الان…
عذراً اذا هذه النقطة غير واضحة في الموضوع او في عنوان الموضوع..
الي مش فاهمه في الفيديو ان شاشة الماك بوك مش تتش خاصيه اللمس
التقنية قديمة و موجودة في اجهزة الاندرويد من عام 2010
مادام الجهاز به NFC فنقل الملفات بينهم ممكن وان لم يكن الجهاز الاول نفس الثاني
وطريقة النقل في اجهزة الاندرويد الحالية أسهل من الطريقة الموجودة في الفيديو !
هل أنت متأكد أن التقنية الموجودة في الجالكسي اس ٣ تستلزم أن يكون الجهاز الاخر جالكسي اس ٣ أيضاً ؟
الحين انا اصلا اقدر انقل ملف من جهاز لجهاز وانا على بعد امتار واميال
تجي تقول لي انه نقل الملفات عن طريق الالتصاق افضل
طبعا هذه الطريقة افضل لعدة اسباب
اول سبب بالنسبة لي هو الامن: لن يستطيع هاكر من ما وراء البحار اختراق حسابك والحصول على المعلومات المخزنة على هاتفك او معلومات بطاقة الائتمان الخاصة بك، بل يستلزم وجود الهاتف نفسه معك لنقل الملف او الدفع، وهذا يعتبر اكثر امنا (على اعتبار اقفال الجهاز بكود سري واستعمال خدمة مسح المعلومات التي عليه في حال الضياع او السرقة)
ثاني سبب هو السرعة: لن تحتاج الى عمل اتصال بلوتوث ومزامنة الجازين والتعريف بكود سري حتى تتمكن بعد ذلك من ارسال المعلومات، ولن تحتاج وجود الانترنت او وصلة لنقل المعلومات، على السريع قرب جهازك وانقل او استقبل ما تشاء!
خدمة رائعة يا ليت تطبق في الايفون وجميع اجهزة الموبايل والكمبيوتر
ايش هاللابتوب اللي فيه شاشة لمس وتقنية اتصالات جديدة .. الجواب في هالجملة ” ابل تعشق الكذب”
بعض الناس تفكيرها غريب و البعض متعصب بشكل غريب جدا!
ليه اغلب الردود انتقاد؟ ليه البعض يترك اساس الموضوع ويدور أي زلة عشان بس ينتقد! الانتقاد مو شين لكن ممكن الواحد يبين انتقاده ووجهة نظره باحترام وبأدب في الردود!
أولا: ايش دخل ابل لما تقول ان ابل تعشق الكذب؟! لاهي اللي سوت هالفيديو ولا شي ولا عشان فيه اجهزة ابل في الفيديو خلاص صار الفيديو يخصها!! بلا استهبال!
ثانيا: ايش دخل تعشق الكذب! انا ما استخدم اجهزة ابل للمعلومية لكن معليش وين كذبت ابل؟ او على اي اساس ابل صارت تعشق الكذب؟ ابل تعشق الاحتكار اقولك اوكي لكن الكذب؟! وبعدين لنفررض انها تعشق الكذب على قولتك، تتوقع يعني انها ما يمديها تسوي لاب توب شاشته لمس وتطبق الفكرة الموجودة في الفيديو؟! بلا استهبال!
ثالثا: استغرب من الناس اللي تقول ايش هالاب توب او الماك بوك اللي فيه شاشة لمس! من جدكم؟ ياخي اسمها “فكرة” الرجال حب يوصل فكرته وسوا هالفيديو
اللي ببطن امه يعرف ان ابل ما طلعت لاب توب شاشته لمس فحتى من غير تفكير واضح ان الرجال لاعب بالفيديو عشان يوصل فكرته زي ماهو متخيلها وزي ما يتمناها!
رابعا: للي يقول انه ينقل ملفات على بعد امتار واميال ومستغرب كيف هذي التقنية افضل للمعلومية ترا اسمها “تقنية” يعني لها ميزات وعيوب ولها اللي يستفيدون منها ولها اللي ما يستخدمونها ابد! من ميزاتها انها ما تحتاج لا اتصال انترنت ولا شبكة اتصالات ولا بلوتوث ولا يو اس بي ولا حساب في الخدمات الحسابية ولا شي فما حتشيل هم سرعة الاتصال اللي عندك واذا يقطع ولا لا و الخ وغير كذا هالشي حيقوي الامن فيها ويقلل من الاختراقات بشكل كبير. من عيوبها ان الجهازين لازم يكونو جنب بعض! انا اتفق معك ان الارسال على بعد امتار او اميال افضل لكن ما تقدر تنكر مميزات هذه التقنية اللي تفيد في مواقف كثيرة ولمستخدمين كثيرين! اذا هالتقنية ما زالت في نظرك اسوأ عادي نحترم وجهة نظرك بس كان ممكن تبين وجهة نظرك باحترام شوي!
فيصل كاتب جريدة وتارك الموضوع الاصلي وشغال تعليق على التعليقات .. ومعلق على التعصب وانت متعصب لابل بغض النظر عن خرطك .. لاتناقض نفسك .. مااتفه منك الا ابل
فيصل ورا ماتاكل تبن وتخلي التناقض .. مخلي الموضوع ومعلق على تعليقي؟ كيفي ياخي اكره ابل .. متخلف
والتحديث ٥.١.١ اللي تدعي فيه ابل اصلاح مشكلة ٣ جي وال٢ جي كذبه لان المشكله موجودة لازالت .. كذابين اولاد حرام
نعم يا صاحبي
التقنيه هذي بكل تأكيد موجوده في الجالكسي اس 3 و موجوده على جهاز اتش تي سي ون اكس و جهاز الجالكسي نيكسس
لا مو شرط يكون جالكسي اس 3
ممكن يكون اي جهاز من اللي انا ذكرتهم لك . اهم شي يكون فيه خدمه nfc
احنا ما قلنا انها افضل و احسن بمليون مره
لكن هذي فيها مميزات افضل
بدون اتصال نت او بلوتوث ..
اسرع ..
تتطور التقينه و يصير استخدام ال nfc في مجالات اكبر مثل بيع و شراء
هذي اقدر اشوي مشاركه لصفحه نت مثلا او برنامج او اي حاجه
و هي احسن كذا .. اذا جنبي الجهازين .. لا بلوتوث بلا اشبك كيبل
حطهم جنب بعض و السلام
و انت تعرف الكيبل بطيييييئ جدا في نقل الملفات الكبيره
نفس الحاجه اللي كنت اتسائلها بنفسي
حبيبي استاذ عبد الرحمن السلامه
حبيت اقول لك حاليا خدمه fnc هذي موجوده بأكثر من جهاز
مثل الون اكس و الجالكسي نيكسس و الجالكسي اس ثري
بأمكاني انقل الملفات بين اي جهاز من هذي النوعيات
انت سألت ما هو رأيكم بهذه الفكرة و ماهي توقعاتكم لها؟
بالنسبه لي اشوف ان هذي الخدمه موجوده في السامسونق و الاتش تي سي .. يعني بقيه الشركات ما راح تسكت و تبقى تناظر فيهم
اكيد بقيه الشركات راح تنزل اجهزه ثانيه فيها هذي الخدمه
يعني ممكن خلال هذي السنه او بدايه السنه القادمه في موتمر MWC راح نشوف الشركات الثانيه مثل السوني و ال جي راح و غيرهم راح ينزلون هذي الخدمه .. و ممكن مع اضافات و استخدامات اخرى لها
عزيزي بو تميم
ترا ما احد جاب طاري الايفون و ثري جي و تو جي
احنا هنا نتكلم عن خدمه nfc في الجوالات
لنبتعد قليلا عن مشاحنات ابل و سامسونق و ما شابه
سلام عليكم
كيفك
واضح منك يابوتميم انك متعصب جداً
ولا عندك احترام لأحد والله يعينك على نفسك …..سلام