خلال الاسبوع الماضي اقيم المعرض الاهم في المنطقة وهو معرض جيتيكس دبي التقني
والمعرض غني عن التعريف وهو المعرض الذي تلتقي فيه اكبر الشركات التقنية والشركات الحلول وايضا الاتصالات لعرض اخر ماتوصلت له من تقنية وبرامج ...إلخ
كانت زيارتي للمعرض قصيرة جدا ولم تكن ذات اهمية كبيرة بالنسبة لي بحيث اني زيارتي للامارات كانت لزيارة اهل لي في مدينة ابوظبي
وخلال زيارتي ذهبت لمعرض جيتيكس يوم الاحد يوم افتتاح المعرض للجمهور وذهبت لمعرض جيتيكس التسوق يوم الاثنين لشراء لاب توب
بمعنى اخر زيارتي للمعرض كانت خاطفة ولذلك سوف تجدون ان تغطيتي للزيارة متواضعه جدا واعتذر عن هذا الشيء
كانت مقر اقامتي في الامارات في ابوظبي لوجود اهل زوجتي وايضا لحبي لهذه المدينة وكرهي الشديد لمدينة دبي وكرهي نابع من زحامها الشديد
لذلك كانت انطلاقتي لزيارة المعرض يوم الاحد من ابوظبي والمسافة بين ابوظبي ودبي 120 وحنا السعودين عندنا 120 كيلو كانها من شمال لجنوب الرياض يعني ماعندنا مشكلة ورافقني لزيارة المعرض حرمي المصون .
وساعه وصلنا دبي اول مااستقبلنا الزحام الشديد واللي خلانا نتاخر شوي للوصول للمعرض وعلى فكرة احسن شيء ان مكان المعرض في بدايه مدينة دبي من جهة ابوظبي بمعنى انه ماراح نضطر ندخل شوارع دبي الغثيثه
المشرفين على معرض جيتيكس قاموا بعمل ممتاز من ناحية المواقف بحيث انهم وفروا ارض كبيرة للمواقف بعيدة شوي عن المعرض ولكن هناك باصات مجانية تنقلك من المواقف الى مداخل المعرض الكثيرة طبعا على حسب الباص اللي تركبه
وهذي صورة للمدخل بعد ماوصلنا له
واول ماتدخل بيقابلك اماكان التسجيل ودفع الرسوم والتي هي 20 درهم لليوم الواحد و 80 لكل ايام المعرض
وبعدها ياتي التسجيل والتي قسمت الى 3 طوابير 2 للي ماسجلوا في الموقع و1 للمسجلين في موقع جيتيكس الالكتروني
وبحسب معرفتي ان اللي يسجل بالموقع راح يكون دخلوه للمعرض اسرع ولكن تفاجات ان الزحام الشديد كان في طابور المسجلين في الموقع لذلك كان وقت الانتظار طويل شوي وماقصرت المدام خذت الكاميرا واخذت الصورة لي من بعيد وانا واقف بالطابور
وبعد التسجيل دخلنا المعرض واول ماقابلنا هو قسم سوني الرائع والذي فيه كل شيء عن منتجات سوني من للاب توب واجهزة والكترونيات ... إلخ
وهذا صورة مدخل قسم سوني
واكثر شيء اعجبني بقسمهم عرضهم لتقنية البلوراي وكانت وضوح الشاشات التي تعرض التقنية جدا عالية وهذ صورة لمشغل البلوراي مع تلفزيون سوني
وبعدها لقيت لي كرسي ماصدقت على الله اقعد وارتاح فيه لكن مادريت انه كرسي للي يبغى يطقطق بجهاز psp
وماقصرت زوجتي شافتني جالس فاخذت هالصورة وبيني وبينكم الكرسي مريح جدا
وبعدها كان فيه منصه لعرض اخر اجهزة اللاب توب من سوني وكانت فيه موديلات كثيرة ومنوعه
وبعدها رحنا لقسم البلاي ستشين 3 طبعا انا من عشان الالعاب الالكترونيه فلازم اشوف الجهاز لذلك انتظر في طابور انا والمدام لدخول لغرفه يتم فيها شرح عن الجهاز وبع مادخلنا صورت هالصورة وسجلت مقطعين فيديو
الصورة (اللي كنه منقار اللي طالع بالصورة هذا راس هندي من السيخ لابس فوق راسه مشد )
وهذي مقطعين فيديو لشرح الجهاز طبعا التصوير مايوضح قوة الجرافكس ووضوح الشاشة الرهيب
http://tech-wd.com/tech/gitex/video/ps3_1.wmv
المقطع الثاني
http://tech-wd.com/tech/gitex/video/ps3_2.wmv
وبعدها كانت لي وللمدام جولة سريعه في المعرض وماصورنا شيء والسبب اننا كنا مستعجلين وودنا نخلص المعرض
فرحنا لقسم البرامج وكانت الشركات الكبرى موجوده مثل اوراكل ومايكروسوفت وكل شركة عارضه اخر برامجها مثل نظام الفيستا والاوفيس الجديد
وبعدها لقينا شركة تعرض جهاز يقوم الجهاز باخذ صورة من الحاسب ومن ثم يطبع الصورة او بالاحرى يخيط الشكل اللي بالصورة اما على قمصان وغيره من الاقمشة وهذي صورة الجهاز وكنت بصور لكم مقطع فيديو لكن كانوا الموظفين تبع الشركة يركبون الجهاز وتأخروا بعملية التركيب فاكتفيت بصورة على السرع
وبعدا مرينا على كم شركة وماصورت مثل ماذكرت بسبب الاستعجال والبعض وللاسف بسبب بعض المناظر السيئة خصوصا للعارضات اللي تخلي الواحد يضيق صدره من هالمناظر
ورحنا لمعرض شركة asus وماكان فيه شيء مهم الا هالكيس الشفاف وبصراحة اعجبني واخذت صورة له
وبعد المرور على بعض الشركات شفت شركة هويماكس عارضة احد الرسيفرات الي يدعم HD وهذي صورته
وبعدها مرينا على شركة رهيبه تصنع تلفزيونات باشكل رائعه وجميله (نسيت اسمها ) هالتلفزيونها منها على شكل حيوانات ومنها على شكل فواكة واخليكم مع صور التلفزيونات الجميلة
وبعدها وقبل الخروج من المعرض مريت شركة سامسونج واللي بصراحة اعجبتني بعرض منتجاتها الكثيرة سواء تلفزيوناتها العالية جود HDTV او بجوالاتها الجميلة ومنها جوال فيه كاميرا 10 ميقا بكسل وللاسف ماراح يباع في الشرق الاوسط وهذي صورته
ومن اجهزة سامسونج الحلوة جهاز جديد عبارة عن كمبيوتر + جوال وفيه كي بورد والجهاز يدعم تقنية Wimax واكثر شيء جذبني بالجهاز طريقه فتحه واغلاقه وهذي صورته مع مقطع فيديو
وهذا مقطع الفيديو للجهاز
http://tech-wd.com/tech/gitex/video/sam_1.wmv
وقبل مااطلع من قسم سامسونج صورت هالخبل
http://tech-wd.com/tech/gitex/video/sam_2.wmv
وبالاخير قبل مااطلع من المعرض جيتيكس
شفت احدى المخلوقات العجيبه الغريبه فقلت لازم اصورها خصوصا ان هالمخلوق لابس لبس ينشاف من بعد كيلو
بتعرفونه على طول هذي صورته
وبعدها يوم الاثنين قررت زيارة معرض جيتيكس للشوبر وقبل ماامسك الخط بين ابوظبي ودبي جتنا مطرة شديدة خلتنا نتاخر شوي خصوصا مع الحوداث والشجر اللي طايح في الطريقة وهذا مقطع للمطر في مدينة ابوظبي
http://www.tech-wd.com/tech/Movie_0001.wmv
وبعدها وصلت لدبي وبعد الضياع في دبي لسبب اني مااعرف مكان المعرض وبعد التعب والدوران عرفت مكانة والا المفاجئة انوااااااااع الزحمة في المواقع وعشان القى موقف اخذ مني ساعه كاملة عشان القى موقف لذلك كان دخولي لمعرض المشتريات جدا سريع كنت ابغى اشتري اللي ببالي واطلع وفعلا هذا للي صار لكن قبل مااطلع صورت هالمقطع السريع لشركة تجذب الجمهور بعروض ورقص ماادري وش ينقال له المهم شوفوا المقطع
http://tech-wd.com/tech/gitex/video/sh.wmv
وفي الختام اعتذر على سؤ التغطية بسبب بعض الظروف وايضا بسبب ان المعرض يبغى له 5 ايام عشان تغطيه زين لانه كبير وكبير وكبير تتعب من المشي من كبر المعرض وكثرة الشركات عدد ضخم فوق ماتتصورون واللي راح للمعرض يعرف هالشيء.
وفيه شيء اخير قبل ماانهي الموضوع اتمنى من القائمين على المعرض انهم يخافوا الله مو مشكلة تحط موسيقى عارضات لكن على الاقل خلوهم محتشمين للاسف المعرض كل ماله يزداد في السفور وعرض المفاتن واللي اشوف انه مالها اي داعي .
على العموم هذي تجربه اولى لي بالتغطية
وختاما اعتذر على سؤ التغطية والتقصير وهذي اول تجربة وان شاءالله التغطيات الجايه افضل
وشكرا